Gryta

Turen startar for dei som vil nede i Stryn sentrum. Dei som vil ha gratis høgdemeter tar bilen opp til Skisenteret eller Bøasetra. Frå skisenteret følgjer du setrevegen opp til krysset til Bøasetra, her tar du opp til høgre og syklar opp til setrevollen. Stien startar i enden av parkeringa og går opp gjennom setrevollen. Alternativ rute startar frå Tonningsetra opp anleggsvegen til pumpehuset og vidare opp skiløypa.Går du frå Bøasetra følgjer du stien opp bratta like over setra, her er det kjekt med pauser for å studerer linjevalget ned att. Vel oppe går stien i retning toppen av det nedre skitrekket. Forbi dette kjem du til eit stikryss, her vel du den venstre stien som går inn til Bubergskaret. Oppe i skaret tar stien til høgre og følgjer ryggen ut til toppen.Ned att går stien same veg, vel nede på Bøasetra følgjer ein veg ned til skisenteret grunna utbyggjing av kraftverk på Vestsida av elva. Vel nede på skisenteret følgjer ein lysløypa til det første krysset. 50 meter innanfor krysset bryt stien av ned til venstre og kan følgjast heilt ned til sentrum.